Psalms 37

David phuah.

1 Misiate hangin lunghimawh kei inla,
amaan lo-a gamtate eng kei in; ^a
2 ahang in, amaute lopa bangin vul pak ding uh a, ^b
singno hing bangin amaute si baih ding uh hi. ^c
3 TOPA muangin na hoih sem in;
gam sungah tengin a muanhuai lonona nuamsa in. ^d
4 Nangmah in TOPA sung nuamsa lecin
na lungsima na lunggulhte hong pia ding hi.
5 TOPA tungah na vai ap-in;
amah muang in, ama’n a sem ding hi. ^e
6 Amah in na thumaanna zingsang khuavak bangin tangsak dinga, ^f
na thutangna sun nitang bangsak ding hi.
7 TOPA mai-ah om hithiat inla
lungduaitakin amah ngak in;
mihingte amau lampite ah a lawhcin uh ciang leh
gitloh a sawmnate uh a hih zawh uh ciangin lunghimawh kei in. ^g
8 Hehna ki-ip inla thangpaihna kiheisan in; ^h
lunghimawh kei in - tua in gitlohna tun lel hi.
9 Ahang in, misiate kipuakoih dinga,
ahi hangin TOPA ah lametna neite in gam a luah ding uh hi. ⁱ
10 Migilote tomkha sungin om nawn lo dinga; ^j
amaute na zon hangin kimu lo ding hi.
11 Ahi hangin lungnemte in gam luah ding uh a ^k
lungmuanna lianpi nuam a sa ding uh hi. ^l
12 Migilote in thumaante langpan sawm uh a, ^m
amaute hagawisan uh hi; ⁿ
13 ahi hangin Topa in migilote ni a tun ding thei ahi manin ^o
amaute nuihsan hi.
14 Migilote in mizawngte le a tasamte nuainet ding, ^p
a gamtatna-a thutangte that dingin
namsau dokin thal a kek uh hi. ^q
15 Ahi hangin a namsaute un amau lungtang mah dawtlet dinga, ^r
a thalte uh a kisutan ding hi. ^s
16 Migilo tampite hauhna sangin,
a thumaante in tawmkha a neih uh hoihzaw hi; ^t
17 ahang in, migilote vangliatna kisutan dinga, ^u
thumaante ahileh TOPA in a lenkip ding hi. ^v
18 A kawkbaang lote’ nite TOPA in thei a,
amau gouluah a kip den ding hi. ^w
19 Tuahsiat hunin amaute dual lo ding uh a,
kialpi hunin tampi nei-in nuam a sa ding uh hi.
20 Ahi hangin migilote kisia dinga;
TOPA galte gamlak mel hoihte bangin
mangthang ding uh a -
meikhu bangin a mangthang ding uh hi. ^x
21 Migilote in leitawi-in din kik lo uh a,
ahi hangin a thumaante in cingh takin a pia uh hi; ^y
22 tua bang TOPA thupha piakte in gam a luah ding uh hi;
ahi hangin a hiamsiatte a kihemkhia ding hi. ^z
23 TOPA in mi khat lampi a lungdampih leh
a kalsuannate kipsak hi; ^aa
24 a kimuktu kha zongin ^ab
TOPA in a khutin lenkip ahi manin a puk kei ding hi. ^ac
25 Naupang ka hi ngei a tu-in ka tekta hi;
tua sungin thumaante a kinusia ahi a,
a tate khutdawh ngena vak ahi zongin
ka mu ngei kei hi. ^ad
26 Amaute a tawntungin cingh uh a, baihtakin a leitawi uh hi; ^ae
amaute tate thupha a kipia ding hi. ^af
27 Siatna kiheisan inla na hoih sem in;
tua hileh gam sungah na teng tawntung ding hi. ^ag
28 Ahang in, TOPA in thutangte it a,
ama muan te a taisan ngei kei ding hi. ^ah
Amaute kihu tawntung dinga,
migilote suante ahileh a kihemkhia ding hi;
29 a thumaante in gam luahin ^ai
a teng tawntung ding uh hi.
30 A thumaante kam in pilna paukhia a,
ama leii in thutang a gen hi. ^aj
31 Ama Pasian’ thukham a lungsim ah om a; ^ak
a khete a tal kei hi. ^al
32 A thumaante bukin migilote boka, ^am
amaute nuntakna mahmah a zong uh hi.
33 Ahi hangin TOPA in amaute vangliatna sungah, a thumaante nusia lo dinga,
thukhenna ah a kimawhpaihsak kei ding hi.
34 TOPA ngak inla ama lampi tawn in, ^an
amah in gam luah dingin nang hong tawisang dinga,
migilote a hepkhiat ciangin na mu ding hi.
35 Leihoihna-a po singkung hing tawh a kibang ^ao
a khanpha mi gilo a tatsia khat ka mu hi;
36 ahi hangin mangpah-a a om nawn kei hi;
amah zong ta lehang a kimu thei nawn kei hi. ^ap
37 A genbaang lote ngaihsunin a thutangte lungngai dih in; ^aq
lemna a deih mipa adingin mailam hun ▼

▼ 37 Ahikeh suan le khak nei ding

a om lai hi. ^as
38 Ahi hangin mawhneite khempeuh kisusia dinga; ^at
migilote mailam hun ▼

▼ 38 Ahikeh suan le khak

kikhaktan ding hi.
39 A thumaante’ hotkhiatna TOPA kiang pan hong pai-a, ^av
amaute lungkham hunin amah a kulhpi uh ahi hi. ^aw
40 TOPA in amaute huhin hukhia a; ^ax
amaute in amah bel uh ahi manin ^ay
migilote panin amaute hu-in a honkhia hi.